Donald Tramp administrasiyasının təklif etdiyi qanun layihəsi milli borcun ABŞ-ı borc köləliyi yoluna sürükləyə biləcək ən böyük artımını nəzərdə tutur.

"Ölkə.az" xəbər verir ki, bunu amerikalı sahibkar, Hökumətin Səmərəliliyi İdarəsinin (DOGE) keçmiş koordinatoru İlon Mask X hesabında yazıb: “Bu qanun layihəsi borc tavanını 5 trilyon dollar artıracaq, bu, tarixin ən böyük artımı olacaq və bu, Amerikanı borc köləliyinə aparan ən qısa yola salacaq".

Bundan əlavə, Mask hesab edir ki, qanun layihəsi ABŞ-da “milyonlarla iş yerini məhv edəcək” və ölkəyə “böyük strateji ziyan” vuracaq.

Trampın “bir böyük gözəl qanun layihəsi” adlandırdığı sənəd bir sıra sənaye sahələrində əhəmiyyətli vergi endirimlərini və dövlət xərclərinin azaldılmasını nəzərdə tutur. Eyni zamanda qanun layihəsi müdafiə xərclərinin artırılmasını, xüsusən də “Qızıl Qübbə” raketdən müdafiə sisteminin yaradılmasını nəzərdə tutur. Bundan əlavə, o, sərhəd nəzarətinin gücləndirilməsi tədbirlərini və bu sahədə xərclərin artırılmasını ehtiva edir.

Mayın 22-də ABŞ Konqresinin aşağı palatası qanun layihəsini təsdiqləyib. Qanunverici orqanın yuxarı palatasında təsdiqləndikdən sonra sənəd imzalanmaq üçün prezidentə göndəriləcək.