Ukrayna Prezidenti Volodimir Zelenski müdafiə xərclərinin 14,6 milyard dollar artırılmasını nəzərdə tutan qanun layihəsini imzalayıb.

Publika.az xəbər verir ki, bu, Ukrayna tarixində rekord büdcə artımıdır.

Qanun layihəsi aprelin 13-dən qüvvəyə minəcək.

Ukraynanın baş naziri Denis Şmıxal daha əvvəl bildirib ki, hökumət büdcə xərclərinin 14,68 milyard dollar artırılmasını nəzərdə tutan qanun layihəsini təsdiqləyib ki, bunun da böyük hissəsi hərbi ehtiyaclara yönələcək.

Əlavə vəsait hərbçilərə ödənişlərə, hərbi və xüsusi texnika və texnikanın alınmasına yönəldiləcək.

Hökumət bu məsələdə Qərb tərəfdaşlarının dəstəyinə ümid edir.