Ukraynada deputatların səfərbərliyə cəlb edilməsinə icazə veriləcək.
Publika.az xəbər verir ki, Ukrayna Ali Radasının deputatı Oleksandr Dubinski parlamentarilərin səfərbər edilməsinə imkan verən qanun layihəsi hazırladığını bildirib. Bu barədə o, özünün "Telegram" kanalında məlumat paylaşıb.
Dubinskinin sözlərinə görə, qanun layihəsi millət vəkillərinin xalqın həqiqi xidmətçisi olduğunu sübuta yetirmək üçün Ukrayna Silahlı Qüvvələrinin sıralarına qoşulmasına imkan verəcək.
Qeyd edək ki, avqustun 17-də Ukrayna lideri Vladimir Zelenski ölkədə hərbi vəziyyətin uzadılmasını nəzərdə tutan qanunu imzalayıb. Bundan əlavə, dövlət başçısı səfərbərliyin davam etdirilməsi haqqında sənədə də qol çəkib. Hər iki müddəa daha 90 gün, yəni noyabr ayınadək qüvvədə olacaq.
Mehti Kamiloğlu