Ermənistanın hakim “Mülki müqavilə” partiyasının biznesmen və “Taşir” Şirkətlər Qrupunun rəhbəri Samvel Karapetyanı Azərbaycana təhvil verə biləcəyi ilə bağlı iddialar tamamilə cəfəngiyatdır.

Publika.az xəbər verir ki, bunu iyunun 20-də Milli Assambleyada ənənəvi brifinqlər zamanı hakim “Mülki müqavilə” partiyasının parlament fraksiyasının katibi Artur Hovhannisyan deyib.

"Bu iddia, heç bir şərhə belə layiq deyil", - Ayrapetyan deyib.

Hakim partiyadan olan digər deputat Vladimir Vardanyan da bu narahatlığı şərh etməyib.

"Mən heç vaxt sui-qəsd nəzəriyyələrinə inanmamışam və heç kimin də onlara inanmasını istəmirəm", - deputat əlavə edib.

Xatırladaq ki, Samvel Karapetyan hakimiyyəti ələ keçirmək üçün açıq çağırışlarda ittiham olunaraq həbs edilib.

Qeyd edək ki, Azərbaycan 2021-ci ildə Dağlıq Qarabağa qaçaq yolla silah-sursat daşıyan şirkət rəhbərlərini beynəlxalq axtarışa verib. Həmin şirkət rəhbərləri arasında Samvel Karapetyan da olub.