Birləşmiş Ştatlar Rusiya, Belarus , Kuba və Şimali Koreyadan idxala tariflər tətbiq etməyib, çünki onların artıq bu ölkələrlə ticarətə mane olan sanksiyaları var.

Publika.az xəbər verir ki, ABŞ-ın maliyyə naziri Skott Bessent bəzi ölkələrə qarşı rüsumların tətbiq edilməməsi qərarını belə izah edib.

Maliyyə Nazirliyinin rəhbəri vurğulayıb ki, Rusiyanın ABŞ administrasiyasının idxal məhsullarına qarşılıqlı əsasda gömrük rüsumları tətbiq etdiyi 185 ölkə siyahısında olmamasının səbəbi onunla əhəmiyyətli ticarətin olmamasıdır.

ABŞ prezidenti Donald Tramp aprelin 2-də Amerika mallarına tarifsiz maneələr yaradan ölkələrə “qarşılıqlı tariflər” tətbiq edən sərəncam imzalayıb. Əsas idxal rüsumu 10 faiz olacaq. Hər bir ölkə üçün əlavə rüsumlar tətbiq olunacaq. Xüsusilə, Avropa İttifaqından gələn mallar 20 faiz bahalaşacaq.

Ən yüksək tariflər Kambocada (49 faiz), Vyetnamda (46), Taylandda (36), Çində (34), Tayvanda (32) və Cənubi Afrikada (30) qeydə alınıb.

"Tarif dərəcənizin sıfır olmasını istəyirsinizsə, məhsulunuzu məhz burada, Amerikada istehsal etməlisiniz", - Tramp deyib.

Prezident rüsumlardan əldə edilən gəlirləri ölkənin dövlət borcunu ödəmək üçün istifadə edəcəyinə söz verib. "İndi çiçəklənmək və vergilərimizi azaltmaq və milli borcumuzu ödəmək üçün trilyonlarla dollarlardan istifadə etmək növbəmizdir və hər şey çox tez baş verəcək", - Tramp bildirib.