NATO-nun baş katibi Mark Rutte Rusiya lideri Vladimir Putini sərt şəkildə təhdid edib.

Publika.az xəbər verir ki, Rutte Polşanın paytaxtı Varşavada Polşanın baş naziri Donald Tusk ilə görüşündən sonra birgə mətbuat konfransı keçirib.

Baş katib Rusiyanın NATO üçün birbaşa təhlükə yaratmağa davam etdiyini vurğulayıb: “Rusiya müharibə iqtisadiyyatına keçir və bu, onun silahlı qüvvələrini qurmaq imkanlarına böyük təsir göstərəcək”.

O, Polşaya və ya hər hansı digər müttəfiqə qarşı istənilən hücuma alyansın bütün gücü ilə cavab verəcəyini bildirib:

"Söhbət Polşanın və ya ümumiyyətlə NATO ərazisinin müdafiəsinə gəldikdə, əgər kimsə Polşaya və ya başqa müttəfiqə hücum edə biləcəyini düşünürsə, buna güclü ittifaqın bütün gücü ilə cavab veriləcək. Bu cavab sarsıdıcı olacaq. Bu, Vladimir Putinə və bizə hücum etmək istəyən hər kəsə çox aydın olmalıdır”.

Rutte müdafiə sərmayələrini artırmaq üçün ittifaqda müsbət hərəkət olduğunu qeyd edib: "Lakin ABŞ prezidenti Trampın dediyi kimi Avropa və Kanadadakı müttəfiqlərimizin daha çox iş görməsinə ehtiyac var. Mən də bu mövzuda onunla həmfikirəm”.