İsrailin ifrat sağçı maliyyə naziri Bezalel Smotriç rəhbərlik etdiyi Dini Sionizm Partiyasının iclasında Fələstinlə bağlı şok açıqlamalar verib.

Publika.az xəbər verir ki, bu barədə İsrail mətbuatında bildirilib.

Məlumata görə, Smotriç HƏMAS-ı israilli əsirləri azad etməyə məcbur etmək üçün Qəzzanın şimalının tamamilə işğal edilməsi lazım olduğunu müdafiə edib: “Girovları geri qaytarmaq üçün Qəzzanın şimalını tamamilə işğal etməliyik. HƏMAS-a deməliyik ki, girovları geri qaytarmasalar, biz həmişəlik orada olacağıq və bu, Qəzzanın üçdə birinə başa gələcək”.

Nazir HƏMAS-a qarşı mübarizənin davam etdirilməsi lazım olduğunu bildirib:

"HƏMAS ilə müharibəni bitirmək üçün razılığa gəlmək təslim olmaq və məğlub olmaq deməkdir. HƏMAS aradan qaldırılana və təslim olmaq üçün razılıq əldə olunana qədər davam edəcəyik. Düşmənlərimiz məhv edilməyincə və İsrail Dövlətinin təhlükəsizliyi tam təmin olunmayana qədər dayanmayacağıq”.