Serbiya, Türkiyə və Yunanıstan Rusiyanın Ukraynadakı hərəkətlərini pisləyən bəyannaməyə qoşulub.

Globalinfo.az xəbər verir ki, Serbiya prezidenti Aleksandr Vuçiç, Türkiyənin xarici işlər naziri Hakan Fidan, Yunanıstanın baş naziri Kiryakos Mitsotakis və bir sıra digər ölkələrin yüksək səviyyəli nümayəndələri Xorvatiyanın Dubrovnik şəhərində keçirilən üçüncü Ukrayna-Cənub-Şərqi Avropa sammitinin yekunlarına dair bəyannamə qəbul ediblər.

18 bənddən ibarət bəyannamədə Rusiyanın Ukraynadakı hərəkətləri pislənilib.

Bundan əlavə, sənəd beynəlxalq ictimaiyyəti Ukraynaya dəstəyi gücləndirməyə çağırır. Bəyannamədə həmçinin Ukraynanın “sülh formulu” təsdiqlənir və ölkənin ərazi bütövlüyünün qorunmasının vacibliyi vurğulanır.

Bəyannaməni Ukrayna, Xorvatiya, Kosovo, Bosniya və Herseqovina, Şimali Makedoniya, Albaniya, Bolqarıstan, Sloveniya və Rumıniya da imzalayıb.