İsrailin Tehranın keçən həftə ballistik raket hücumuna cavab olaraq, İranın nüvə obyektlərini vurması gözlənilmir.

Teleqraf.com xəbər verir ki, bu barədə “Nyu-York Tayms” yazır.

Adı açıqlanmayan rəsmilər ABŞ nəşrinə deyiblər ki, İsrail bunun əvəzinə hərbi bazalar, kəşfiyyat və ölkə rəhbərliyinə aid hədəflərə fokuslanacaq, amma İran cavab verərsə, nüvə proqramı da hədəfə alınacaq.

“Keçmiş və indiki yüksək vəzifəli İsrail rəsmiləri İranın nüvə proqramına ciddi zərər vura biləcəklərinə dair şübhələrini etiraf ediblər. Amma Pentaqon rəsmilərinə görə, İsrail istənilən halda nüvə proqramını hədəfə almaq üçün ən uyğun vaxtı nəzərdən keçirir”, - məlumatda qeyd olunur.

Nəşr potensial zərbənin nüvə proqramına mane olacaq qədər təsirli olub-olmayacağını, yoxsa tamamilə məhv ediləcəyini bilmir. Vurğulanır ki, Vaşinqton əvəzində proqramla məşğul olmağın ən yaxşı yolu kimi sabotaj, diplomatiya və sanksiyalara çağırıb.