“Ermənistan hakimiyyətinin atdığı addımlar səbəbindən Atom Elektrik Stansiyası bağlana bilər”.

Globalinfo.az xəbər verir ki, bunu enerji təhlükəsizliyi üzrə ekspert Armen Manvelyan deyib.

“Ermənistanın Atom Elektrik Stansiyasının fəaliyyəti ilə bağlı qərar verə bilməyən mövcud rejimin xarici siyasi oyunların qurbanına çevrilməsi AES-in bağlanmasına səbəb ola bilər. Ermənistan AES ölkədə istehsal olunan elektrik enerjisinin 30-40%-ni ödəyir. MAQATE-nin müsbət rəyinə baxmayaraq, Ermənistan hakimiyyəti AES-in fəaliyyətini bərpa etmir və modul tipli atom elektrik stansiyaları tikəcəyini bəyan edir. Hələ ABŞ öz ərazisində belə bir stansiya tikməyib, amma Ermənistanda artıq bu barədə danışırlar”, – deyə ekspert vurğulayıb.