NATO-nun Yaxın Şərqdəki yeni ofisi yeni çağırışlar və təhdidlər axtarmaq məqsədi ilə açılıb.

Publika.az xəbər verir ki, bu barədə MKİ-nin keçmiş agenti Larri Conson “Geopolitical Trends” "YouTube" kanalına müsahibəsində bildirib.

Keçmiş kəşfiyyat rəsmisinin sözlərinə görə, NATO Ukraynada ondan proxy münaqişə kimi istifadə etməklə öz məqsədlərinə nail ola bilməyib və indi yeni münaqişələri qızışdırmaqla öz mövcudluğuna haqq qazandırmaq üçün yeni yollar axtarır.

Ekspertin fikrincə, NATO öz aktuallığını qorumaq üçün yeni düşmənlər tapmağa çalışır.

Conson qeyd edib ki, alyans öz varlığını gücləndirmək niyyətində olduğu Yaxın Şərqə diqqət yetirməyi planlaşdırır.

NATO üzvləri birgə bəyanatda cənub istiqamətində fəaliyyətləri gücləndirməyi, İordaniyanın paytaxtı Əmmanda ofis açmağı və İraq hakimiyyəti ilə əməkdaşlığı davam etdirməyi planlaşdırdıqlarını bildiriblər.

Həmçinin blokun sammiti iştirakçılarının birgə bəyannaməsində Ukraynanın alyansdakı gələcəyi ilə bağlı bənd var. Alyans həmçinin Ukraynada demokratiya və təhlükəsizlik sahələrində islahatları dəstəkləmək və onları hər il qiymətləndirməyə davam etmək niyyətindədir.

Stolterberq bir müddət əvvəl NATO-nun 500 min əsgərinin yüksək döyüş hazırlığında olduğunu bildirmişdi.