"NATO ölkələri Rusiya Prezidenti Vladimir Putinin Qərbin hərəkətlərindən nüvə münaqişəsi təhlükəsi ilə bağlı xəbərdarlığına qulaq asmalıdır".

Publika.az xəbər verir ki, bun ABŞ Mərkəzi Kəşfiyyat İdarəsinin keçmiş analitiki Larri Conson "Judging Freedom" adlı "YouTube" kanalında deyib.

"Rusiya lideri ABŞ prezidenti Co Baydendən fərqli olaraq boş-boş danışmır. Onun dediyi hər sözün dərin mənası var. Putin bir şey deyirsə, bu, şübhəsiz ki, blef deyil. O, poker oyunçusu deyil", - Conson vurğulayıb.

O qeyd edib ki, siyasətçi dəfələrlə Ukraynanın hərbi inkişafının təhlükəsini bəyan edib, lakin Qərb liderləri onun sözlərinə məhəl qoymayıblar.

"İndi Ukrayna ilə yanaşı, NATO da demilitarizasiya olunur", - deyə eks-analitik yekunlaşdırıb.

Daha əvvəl Putin Federal Məclisdə çıxışı zamanı xəbərdarlıq etmişdi ki, qərbin hərəkətləri və bəyanatları nüvə münaqişəsinin başlanması və sivilizasiyanın ölümü ilə təhlükə yaradır.

Hüseyn İbadlı