"Biz fələstinlilərin aclıqdan əziyyət çəkdiyini seyr edə bilmərik. Biz bu deyilik. Davamlı olaraq daha çox yardım göstərilməlidir".

Publika.az xəbər verir ki, bu sözləri Almaniyanın baş naziri Olaf Şolts İsrailin baş naziri Benyamin Netanyahu ilə görüşdükdən sonra Qərbi Qüdsdə birgə keçirilən mətbuat konfransında deyib.

Öz növbəsində, Netanyahu 1,5 milyon fələstinlinin sığındığı Qəzzanın cənubundakı Rəfaha hücum etməzdən əvvəl mülki əhalinin buradan getməsinə şərait yaradacaqlarını iddia edib.

Şoltsla görüşə toxunana Netanyahu HƏMAS-ın məhv edilməsi məsələsində də razılaşdıqlarını deyib.

Netanyahu HƏMAS-ın Qəzzada qalmasına icazə veriləcəyi təqdirdə Qəzzanın ələ keçiriləcəyini bildirib. O, alman həmkarının ondan Qəzzada mülki əhalinin qorunması üçün daha çox işlər görməsini və fələstinlilər üçün Qəzza zolağına daha çox humanitar yardımın daxil olmasına icazə verməsini istədiyini bildirib.

Roza Şəfiyeva