Rusiya Federal Təhlükəsizlik Xidməti (FSB) Moskva vilayətində sintetik narkotiklərin istehsalı və satışını təşkil edən Ermənistan vətəndaşlarından ibarət cinayətkar dəstəni yaxalayıb.
Teleqraf.com xəbər verir ki, bu barədə FSB-nin İctimaiyyətlə Əlaqələr Mərkəzi məlumat yayıb.
Moskva vilayətinin Çexov şəhəri ərazisində külli miqdarda sintetik narkotik vasitələrin istehsalı üzrə ixtisaslaşan Ermənistan vətəndaşları tərəfindən yaradılmış cinayətkar qrupun fəaliyyətinin qarşısının alınması üzrə əməliyyat keçirilib.
Ermənistanın üç vətəndaşı narkotik laboratoriyada saxlanılıb, azı 86 kq narkotik maddə, həmçinin laboratoriya avadanlığı və müxtəlif kimyəvi vasitələr götürülüb.
Qeyd olunur ki, mütəşəkkil cinayətkar dəstənin üzvləri müəyyən edilib. FSB-nin İstintaq İdarəsi Cinayət Məcəlləsinin bir neçə maddəsi üzrə cinayət işi açıb, ittihamlar sübuta yetirilərsə, dəstə üzvlərini ömrülük həbs cəzası gözləyir.
Müəllif: Mənsur Rəğbətoğlu