Bel ağrısı və boyun tutulması zamanı isti və ya soyuq tətbiq etmək narahatlığı azaltmağa kömək edə bilər.

Medicina.az xəbər verir ki, mütəxəssislər seçim ağrının səbəbindən asılı olduğunu bildirib.

Əgər ağrı əzələ gərginliyi, spazm və sərtliklə bağlıdırsa, isti kompres əzələləri boşaldaraq hərəkəti asanlaşdıra bilər. Xüsusilə səhər bel tutulması, uzun müddət oturmaqdan yaranan kürək gərginliyi və boyun tutulmasında istilik faydalı ola bilər.
Əksinə, ağrı zərbə və ya yıxılmadan sonra yaranıbsa və şişlik, göyərmə varsa, ilk mərhələdə soyuq tətbiq etmək daha uyğundur.

İstilik rahat olmalı, dərini yandıracaq qədər yüksək olmamalıdır. Ağrı uzun müddət davam edərsə, güclənərsə və ya keyimə, gücsüzlük kimi əlamətlər yaranarsa, həkimə müraciət etmək lazımdır.