Ukraynanın təxribat-kəşfiyyat qrupu çərşənbə axşamı, martın 12-də səhər saatlarında Kursk və Belqorod vilayətlərinə soxulmağa cəhd edib.

Publika.az Rusiya mətbuatına istinadən xəbər verir ki, Ukrayna Silahlı Qüvvələrinin əsgərləri bir neçə pikapla Rusiya vilayətlərinin ərazisinə daxil olublar.

Rusiya hərbi zabitlərinin sözlərinə görə, sərhədə yaxınlaşan Ukrayna tankları görünüb. Hücum cəhdi zamanı atəş dəstəyi veriblər.

Kursk vilayətinin sakinləri Tetkino kəndi ərazisində atışmaların baş verdiyini bildiriblər. Sosial şəbəkələrdə atəş səsləri olan video yayılır.

İlkin məlumata görə, Tetkino ərazisində gedən döyüşlər zamanı iki nəfər yaralanıb. Onlardan biri yerli sakindir, ikincinin şəxsiyyəti hələlik müəyyən edilməyib. Orada döyüşlər davam edir, artilleriya işləyir.

Bundan başqa, Belqorod vilayətinin sakini də yaralanıb. O, pilotsuz təyyarənin qəzaya uğraması nəticəsində xəsarət alıb. Təsdiqlənməmiş məlumatlara görə, Belqorod vilayətində də diversantlarla döyüşlər başlayıb.

Tural