ABŞ administrasiyası və müttəfiqləri Rusiya və İran arasında hərbi-texniki əməkdaşlığın əhəmiyyətli dərəcədə artması halında tez və sərt tədbirlər görmək niyyətindədirlər.

Publika.az xəbər verir ki, bunu Dövlət Departamentinin mətbuat xidmətinin rəhbəri Metyu Miller brifinqdə deyib.

ABŞ bildirib ki, peykin orbitə buraxılması İran və Rusiya arasında hərbi əməkdaşlığın dərinləşməsindən xəbər verir.

"Dəfələrlə açıq şəkildə xəbərdarlıq etdiyimiz kimi, bu tərəfdaşlıq Ukrayna, İranın qonşuları və beynəlxalq ictimaiyyət üçün zərərlidir", - Miller deyib.

Pentaqon əlavə edib ki, İran Rusiyaya ballistik raketlər satarsa, beynəlxalq ictimaiyyət sərt cavab hazırlayacaq.

Bundan əvvəl Geopolitika.news-un yazarı Zoran Meter bildirib ki, ABŞ beynəlxalq siyasətdə qlobal dominantlıq kursunu davam etdirərək Rusiya və Çinlə münasibətlərdə güzəştə getmək istəmir, lakin Moskva və Tehran arasında hərbi əməkdaşlıq Vaşinqtonun planlarına mane ola bilər.

Hüseyn İbadlı