Avropa Parlamenti Assambleyanın latviyalı deputatı Tatyana Zdanakanın bir neçə il Rusiya agenti kimi işləməsi ilə bağlı məlumatı araşdırmağa başlayıb.

Publika.az xəbər verir ki, bu barədə AP rəsmi mənbələrə istinadən məlumat yayıb.

“Avropa Parlamentinin sədri Roberta Metsola bu iddiaları çox ciddi qəbul edir", - məlumatda deyilir.

Metsola Aİ qanunvericilərinin davranış kodeksi ilə məşğul olan parlament komitəsindən məsələyə baxmağı xahiş edib.

Skandinaviya və Baltikyanı xəbər saytları daha əvvəl Zdanokanın ən azı 2004-cü ildən Rusiya Federal Təhlükəsizlik Xidmətinin (FSB) agenti olduğunu yazmışdı.

İsveçin “Expressen” nəşri iddia edib ki, Zdanoka “Baltikyanı ölkələrdə rusların hüquqlarının iddia edilən pozulması ilə bağlı təbliğat aparıb və Kreml yönümlü siyasəti müdafiə edib. Aİ Parlamentində o, Rusiyanın Ukraynaya hücumunu pisləməkdən imtina edib”.

Metsola çərşənbə günü parlamentdəki siyasi qrup liderləri ilə də məsələni müzakirə etməyi planlaşdırır. Zdanoka assambleyanın müstəqil üzvüdür və onun heç bir siyasi qruplaşma ilə əlaqəsi yoxdur.

74 yaşlı Zdanoka Avropa parlamentlərinin saytında yazıb ki, o, 2007-ci ildən qeyri-hökumət təşkilatı olan Rusdilli Aİ Ölkələri Alyansının prezidentidir.

Riqada Latviyanın təhlükəsizlik xidməti VDD bildirib ki, Zdanokanın Rusiya kəşfiyyat və təhlükəsizlik xidmətləri ilə əməkdaşlıq etdiyi iddiası ilə bağlı araşdırma aparmağı planlaşdırır.

Tural