Yaponiya ərazi məsələsini həll etmək və Rusiya ilə sülh müqaviləsi bağlamaq istəyir, lakin yenə də sanksiyalar və Ukraynaya dəstək siyasətini davam etdirəcək.

Publika.az xəbər verir ki, Rusiya tərəfi ilə saziş bağlamaq istəyini Yaponiyanın baş naziri Fumio Kişida əsas çıxışında təsdiqləyib.

"Yaponiya-Rusiya münasibətlərində vəziyyət çətindir, lakin Yaponiya ərazi probleminin həllinə və sülh müqaviləsinin bağlanmasına yönəlmiş kursa qətiyyətlə sadiqdir", - siyasətçi qeyd edib.

Qeyd edək ki, Rusiya xarici işlər nazirinin müavini Andrey Rudenko Yaponiya səfiri Akira Muto ilə söhbətində Tokionun destruktiv addımlarının Moskva ilə münasibətlərin pozulmasını daha da ağırlaşdırdığını vurğulayıb.

Diplomat əlavə edib ki, Yaponiya tərəfi Asiya-Sakit okean regionunda gərginliyin artması üçün ciddi risklər yaradır.

Cəmilə