Yaponiya yeni hərbi bloklar yaratmaqla Kuril adalarına qarşı revanşist niyyətini gücləndirəcək.

KAİM.az xəbər verir ki, bunu Rusiya Təhlükəsizlik Şurasının katibi Nikolay Patruşev deyib.

“Uzaq Şərq dairəsinin sərhəd bölgəsində vəziyyət ABŞ və müttəfiqlərinin Arktika və Asiya-Sakit okean regionlarında hərbi mövcudluğunu gücləndirməsi kontekstində formalaşır”, – Patruşev bildirib.

Yaponiya 2003-cü ildən bəri ilk dəfə olaraq Kuril adalarını rəsmi olaraq “qeyri-qanuni işğal olunmuş şimal əraziləri” adlandırıb. Bu, Yaponiya Xarici İşlər Nazirliyinin hökumətə təqdim etdiyi “Diplomatiya üzrə mavi kitab”da qeyd olunub.

Mart ayında Rusiya Tokionun “qeyri-dost hərəkətləri”nə və birtərəfli sanksiyaların tətbiqinə cavab olaraq Yaponiya ilə sülh müqaviləsi üzrə danışıqları davam etdirməkdən imtina edib.