"ABŞ Ankaraya "F-16" qırıcılarının satışını təsdiqləyəcək vədinə əməl edərsə, Türkiyə İsveçin NATO-ya üzvlüyünü dəstəkləməyə hazırdır".

Publika.az xəbər verir ki, bu barədə "Hürriyet" nəşri mənbələrə istinadla yazır.

Bundan əvvəl Türkiyə lideri Rəcəb Tayyib Ərdoğan ABŞ-ın Yunanıstana "F-16" qırıcıları göndərdiyini, lakin eyni zamanda Ankaranın onların pulunu ödəməsinə baxmayaraq, Türkiyəyə tədarük etməkdən imtina etdiyini bildirmişdi.

"ABŞ F-16 ilə bağlı vədinə əməl edərsə, Türkiyə NATO-nun genişlənməsini və İsveçin üzvlüyünü dəstəkləməyə meyllidir. Finlandiya və İsveçin üzvlük məsələsi gündəmə gələndən sonra pərdəarxası müsbət nəticələr əldə edildiyi barədə xəbərlər yayılıb", - məqalədə deyilir.

Material müəlliflərinin fikrincə, bəzi ölkələrin Türkiyəyə qarşı silah tədarükünə tətbiq etdiyi "gizli embarqo" aradan qaldırılıb.

Hüseyn İbadlı