Türkiyə prezidenti Rəcəb Tayyib Ərdoğan bildirib ki, Ankaranın İsveç və Finlandiyanın Şimali Atlantika Alyansına qoşulması üçün müraciətləri təsdiqləməsi onların terrorla mübarizə üzrə Madrid Memorandumu üzrə öhdəliklərini yerinə yetirməsindən asılı olacaq.

Publika.az xbər verir ki, Ərdoğan bu barədə İstanbulda NATO-nun baş katibi Yens Stoltenberqlə görüşündə bildirib.

“Finlandiya və İsveçin NATO-ya üzvlüyünə (Türkiyə tərəfindən – red.) razılıq verilməsi onların Madrid Memorandumu üzrə öhdəliklərini yerinə yetirmə sürətindən asılı olacaq”, - Türkiyə dövlət başçısı bildirib.

Stoltenberq bir müddət əvvəl Finlandiya və İsveçin Türkiyənin tələblərini yerinə yetirdiyini və onları alyansa qəbul etməyin vaxtı çatdığını bildirib. Bundan sonra Türkiyənin xarici işlər naziri Mövlud Çavuşoğlu bildirib ki, Türkiyənin fikrincə, İsveç və Finlandiya NATO-ya üzv olmaq üçün Ankaranın nəzərdə tutduğu bütün tələbləri yerinə yetirməyib.