Gürcüstan prezidenti Salome Zurabişvili hesab edir ki, onun ölkəsi, Ukrayna və Moldova eyni vaxtda Avropa İttifaqına daxil olacaq.

Publika.az əbər verir ki, o, bu barədə Fransanın LCI kanalına müsahibəsində bildirib .

Siyasətçinin sözlərinə görə, bunun 2030, 2031 və ya 2029-cu ildə baş verəcəyini təxmin etmək hələ də çətindir. Bununla belə, o, belə bir hadisənin yeni bir "böyük partlayış" olacağını proqnozlaşdırıb.

Xatırladaq ki, noyabrın əvvəlində Avropa Komissiyası Aİ Şurasına doqquz şərt ilə Gürcüstana Avropa Birliyinə üzv olmaq üçün namizəd statusu verməyi tövsiyə etmişdi. Bunların arasında Tbilisinin hərəkətlərinin Avropa İttifaqının ümumi xarici və təhlükəsizlik siyasəti ilə artan uyğunluğu var.

Hüseyn İbadlı