Rusiya dövlət mediası yaxın vaxtlarda ukraynalı hərbi əsirlərdən ibarət bir batalyonun cəbhəyə göndəriləcəyini və onların öz ölkələrinə qarşı döyüşəcəklərini açıqlayıb.

Publika.az xəbər verir ki, dünya Qəzzada baş verən insan faciəsinə baxarkən müharibənin davam etdiyi Rusiya-Ukrayna cəbhəsindən çox təəccüblü bir iddia gəlib.

Rusiyanın “RİA Novosti” xəbər agentliyi ukraynalı hərbi əsirlərin Rusiyaya sədaqət andı içdiklərini və tezliklə öz ölkələrinə qarşı müharibəyə qatılacaqlarını açıqlayıb.

Rusiya mətbuatının iddiası gündəmə bomba kimi düşüb. Rusiya, əsgərlərin sədaqət andı içdiyini iddia etsə də, bu addım müharibə ilə bağlı beynəlxalq qanunların pozulması anlamına gələ bilər.
Qərb mediasında aparılan təhlillərdə bildirilir ki, hərbi əsirlərdən istifadə zərurəti döyüş meydanında yüksək itki verən Rusiya qüvvələrinin vəziyyəti və keyfiyyəti ilə bağlı suallar doğurur.

Aysel Şahmar