"Rusiyanın yaza qədər "hərbi alətləri" tükənəcək".

Milli.Az Azxeber.com-a istinadən xəbər verir ki, bu fikirləri Ukrayna ordusunun hərbi kəşfiyyatçısı, general-mayor K.Budanov USA Today-ə müsahibəsində deyib.

Hərbçi bildirib ki, Rusiya yazın sonuna qədər bütün texnikasını itirəcək:

"Rusiya külli miqdarda insan resursunu, silah-sursatını və hərbi texnikasını israf edib. İqtisadiyyatı və istehsalatı bu itkiləri ödəyəcək iqtidarda deyil".

Hərbi kəşfiyyatçı qeyd edib ki, bu yaz tərəflər arasında həlledici döyüş baş verəcək və bu döyüş müharibə bitməmiş son döyüş olacaq.

Qeyd edək ki, kəşfiyyatçı iddialarını dəstəkləyən konkret sübutlar təqdim etməyib.