“Azərbaycan Respublikasında vəkilliyin inkişafı ilə bağlı əlavə tədbirlər haqqında” Prezident İlham Əliyevin 2018-ci il 22 fevral tarixli Sərəncamı ilə Vəkillər Kollegiyasına hüquqi məsləhətə ehtiyacı olan aztəminatlı şəxslər üçün pulsuz hüquqi xidmətlərin göstərilməsi tövsiyə edilib.

Vəkillər Kollegiyasından Publika.az-a bildiriblər ki, bu tövsiyənin icrası ilə əlaqədar keçirilən tədbirlər çərçivəsində dekabrın 1-də bir qrup vəkil tərəfindən Masallı rayonundakı Heydər Əliyev Mərkəzində ətraf rayonlarda yaşayan vətəndaşlara ödənişsiz hüquq yardımın göstərilməsi nəzərdə tutulub.

Belə tədbirlər respublikanın digər regionlarında da müntəzəm keçiriləcək.