"ABŞ və Rusiya arasındakı münasibətlər Ukraynada müharibə bitdikdən sonra mütləq yaxşılaşacaq".

Publika.az xəbər verir ki, bunu ABŞ prezidentinin keçmiş müşaviri Tomas Qrem “The Nation” nəşrinə müsahibəsində deyib.

Ekspert vurğulayıb ki, tərəflər bir-biri ilə görüş üçün ilk addımları artıq münaqişənin kəskin mərhələdən çıxdığı anda ata bilərlər. İndi hər hansı danışıqlar mümkün deyil.

Qrem əmindir ki, ABŞ-ın hazırkı hakimiyyəti əvvəlki prezidentlərin Rusiya ilə qarşılıqlı əlaqədə səhvlərini nəzərə almalıdır:

"Moskvanın postsovet məkanında təsirini zəiflətməyə çalışaraq ona təzyiq göstərməyə ehtiyac yoxdur. Vaşinqton Ukraynanın neytral statusunu dəstəkləsəydi, daha yaxşısını edə bilərdi. O, həmçinin Avropa ilə Rusiya arasında ticarət əlaqələrinin inkişafına kömək edəcəkdi", Tomas Qrem deyib.