Avropa İttifaqı (Aİ) ölkələri Ukrayna taxılının ixracı üçün imkanlar tapmaqda Kiyevə kömək etməlidirlər.

Publika.az xəbər verir ki, bunu Danimarkalı Avropa Parlamentinin deputatı Karen Melçior bildirib.

Avropa Komissiyasına (AK) müraciətində deputat belə bir həll yolu kimi dəmir yolu ilə ixracı təklif edib.

"Rusiyanın blokadasını kompensasiya etmək üçün Ukraynadan Qara dəniz vasitəsilə taxıl ixracına alternativlər tapmaq lazımdır. Dəmir yolu nəqliyyatı avtomobil nəqliyyatından daha üstündür, çünki çoxlu sayda ağır nəqliyyat vasitələrinin istifadəsi Ukrayna yollarını məhv edəcək və dəmir yolu nəqliyyatının seçimi Aİ-nin nəqliyyat və ekoloji prioritetlərinə uyğun olacaq", - o, müraciətində bildirib.

Melçior Ukrayna məhsullarının ixracına mane olan bir sıra çətinlikləri qeyd edib. Onun sözlərinə görə, bunlara keçid məntəqələrində yoxlamaların artırılması, habelə Ukrayna mallarının daşınması üçün Aİ dəmir yollarından istifadə üçün yüksək tariflər daxildir.

Hüseyn İbadlı