Rusiya və Türkiyə prezidentləri Vladimir Putin və Rəcəb Tayyib Ərdoğanın görüşü avqustun sonu və ya sentyabrın əvvəlində baş tuta bilər.
Publika.az xəbər verir ki, bu barədə Türkiyənin “A haber” telekanalı məlumat yayıb.
Telekanalın məlumatına görə, Ərdoğan hələ də Rusiya prezidentinin Türkiyəyə gəlişini gözləyir. Bununla belə, Ərdoğanın Rusiyaya səfəri də istisna edilmir.
Avqustun 2-də Rusiya və Türkiyə prezidentləri arasında telefon danışığı olub və onlar mümkün görüşün hazırlanması barədə razılığa gəliblər. Ertəsi gün Putinin mətbuat katibi Dmitri Peskov Rusiya və Türkiyə prezidentlərinin görüşünün yeri və dəqiq tarixinin diplomatik kanallar vasitəsilə razılaşdırılacağını bildirib. Peskov "Görüş yerinin müzakirə ediləcəyini, bunun mütləq Türkiyə olmadığını" vurğulayıb.