Rusiya Federasiyasının prezidenti olaraq Vladimir Putinin yerinə hərbi lider və Tula vilayətinin qubernatoru Aleksey Dyuminin də keçə biləcəyi versiyası var.

Axar.az xəbər verir ki, bunu siyasi strateq, politoloq Mixail Şeytelman deyib.

Politoloq bildirib ki, Dyuminin varis olacağına inanmağa əsaslı bir fakt və ya sübut görməyib:

“Dyumin sadəcə uydurma bir fiqurdur. Potensial namizədlər arasında Rusiyanın Baş naziri Mixail Mişustin və Rusiya Federasiyası Təhlükəsizlik Şurasının katibi Nikolay Patruşevin oğlu Dmitri də göstərilir.

Mişustinin namizədliyi tamam başqadır. Çünki burada konstitusiya məsələsi var. Bu gün Putin ölsə, Mişustin onun səlahiyyətlərini icra edəcək. Bildiyiniz kimi, Rusiyada yeni prezidenti müəyyənləşdirməyin ən asan yolu hazırda səlahiyyətlərini icra edən şəxsi seçməkdir. Bilmirəm, onun orada hansı mövqeləri var. Həmçinin bu kimə sərf edir və ya etmir. Ukrayna, yəqin ki, müəyyən dərəcədə onunla danışıqlara hazır olacaq. Ancaq fərq sülh yox, atəşkəs üçün aparılan danışıqların olmasıdır. Prezident Zelenskinin də dediyi kimi, müharibənin başa çatması ilə bağlı danışıqlar hətta keçəl şeytanla da aparıla bilər. Hətta Mişustinlə belə. Amma onunla ölkələr arasında münasibətlər normallaşdırıla bilməz. Çünki o, hərbi cinayətkardır”.

Politoloq Nikolay Patruşevin oğlu Dmitrini adı çəkilən şəxslər arasında ən pis namizənd olaraq qeyd edib:

“Patruşevin oğlu ilə bağlı problemlərdən biri onun axmaq olmasıdır. Mişustin yəqin ki, hardasa oxuyub və necəsə danışmağı bacarır. Ancaq o, “seçilməmiş” adama bənzəyir. Heç tərcümeyi-halı da yoxdur, bir dəqiqə belə olsun işləməyib. Heç vaxt da ailə qurmayıb, ancaq 6 övladı var”.