"Mənə qarşı cinayət ittihamı irəli sürülməsi yalnız 2024-cü il seçkilərində qalib gəlməyimə kömək
Publika.az TASS-a istinadla xəbər verir ki, bunu ABŞ-ın keçmiş prezidenti Donald Tramp bildirib.
Üç cinayət işi üzrə ittiham olunan siyasətçi bunların hamısının yalan olduğuna aydınlıq gətirib. O, özünə qarşı irəli sürülən ittihamlardan faydalandığını iddia edib.
Tramp əlavə edib ki, o, ABŞ-ın hazırkı prezidenti Co Bayden də daxil olmaqla hamını qabaqlayıb.
Siyasətçinin sözlərinə görə, hər dəfə ona qarşı yeni ittiham irəli sürüləndə onun reytinqi yüksəlir:
"Bu seçkinin başa çatması üçün bizə başqa bir ittiham aktı lazımdır. Başqa bir ittiham. Heç kimin şansı olmayacaq".
Bundan əvvəl Tramp onun məhkəməsini siyasi təqib adlandırmışdı. Onun sözlərinə görə, ABŞ-da bu heç vaxt baş verməməli idi.
Hüseyn İbadlı