Krım körpüsünə gecə hücumu Ukrayna Silahlı Qüvvələri və Ukrayna Təhlükəsizlik Xidmətinin (SSX) xüsusi əməliyyatı olub.

Publika.az xəbər verir ki, bu barədə RBC-Ukraynaya Milli Təhlükəsizlik Xidmətindəki mənbələr məlumat verib.

“Körpüyə hücum sualtı dronlardan istifadə edilməklə həyata keçirilib. Körpüyə çatmaq çətin olsa da, sonda mümkün olub”, - mənbə bildirib.

Bundan əvvəl Ukrayna Təhlükəsizlik Xidmətinin rəhbəri Vasili Malyuk körpünün Ukrayna üçün qanuni hədəf olduğunu açıqlayıb və qələbədən sonra onunla bağlı xüsusi əməliyyatların təfərrüatlarını açıqlayacağına söz verib.

Xatırladaq ki, Krım körpüsündə baş verən yeni partlayış nəticəsində 2 nəfər həlak olub, nəqliyyatın hərəkəti müvəqqəti olaraq bağlanıb.

Ukraynanın Baş Kəşfiyyat İdarəsi öz növbəsində Kiyevin insidentdə iştirakını nə təsdiq, nə də təkzib edib.