İngiltərəli qadın Sançia Norris üçün bir yaşlı oğlu Bennin həyatını xilas etməyin demək olar ki, yeganə yolu onu qıdıqlamaqdır.

“Medicina” xəbər verir ki, hadisə İngiltərədə baş verib. Bir yaşlı körpənin yuxu pozğunluğu səbəbindən gecə dəfələrlə nəfəs almağı dayanıb. Ona görə də valideynləri onu yaşatmaq üçün daim qıdıqlamalı olurlar.

Hər gecə anası tərəfindən qıdıqlanan uşaq, bir neçə dəfə nəfəs almağı dayandırır (rekord gecədə 23 dəfədir), buna görə də oğlan yenidən nəfəs alması üçün aktiv şəkildə stimullaşdırılmalıdır.

Oğlan yuxu apnoesindən əziyyət çəkir. Benndə bu xəstəlik özünü çox ifrat şəkildə göstərir. Yuxu apnoesi oğlanın 20 saniyə və ya daha çox nəfəs almasına səbəb olur. Xəstəlik doğuş zamanı uşağın kifayət qədər inkişaf etməmiş əzələləri və sinir sistemi səbəbindən ortaya çıxıb.

Yuxu apnoesi olan uşaqlarda qıdıqlama onların yenidən nəfəs almağa başlamasına imkan verən ən təsirli üsullardan biridir.

Benn keçən ilin noyabrında vaxtından əvvəl 24 həftəlik və çəkisi 500 qramdan bir qədər çox olan doğulmuşdu. Həkimlər oğlanın sağ qalacağına ümumiyyətlə, inanmırdılar. Lakin 18 həftə xəstəxanada qaldıqdan sonra körpə evə anasının yanına qayıdıb.

Təbii ki, anası gecə istirahətini çoxdan unutmuşdu. Xüsusi sistem uşağın nəfəs almasına nəzarət edir, bu da həmişə ananın yanında olan xüsusi zəngli saata həyəcan siqnalı verir.

Qadın isə körpənin yanına tələsir ki, onu qıdıqlasın. Benn yenidən nəfəs almağa və sonra yenidən gülməyə başlayanda anası da rahat nəfəs ala
bilər.

Aynurə Məmmədova