Rusiya prezidenti Vladimir Putin hazırda Kremldə işləyir.

Publika.az xəbər verir ki, bu barədə onun mətbuat katibi Dmitri Peskov bildirib.

Bundan əvvəl bir sıra Telegram kanalları dövlət başçısının guya Rusiyanın başqa regionundakı iqamətgahına getdiyi barədə məlumat yayıb.

"Prezident Kremldədir və işləyir", - Putinin sözçüsü bildirib.

İyunun 23-də Peskov Vaqner PMC-nin təsisçisi Yevgeni Priqojinin bəyanatı ətrafında yaranmış vəziyyətlə bağlı Putinə məlumat verildiyini açıqlayıb. Daha sonra Putin ölkə xalqına müraciət edib. O, silahlı qiyamın təşkilatçılarını satqın adlandırıb və onlara “qaçılmaz cəza” veriləcəyini vəd edib.