Rusiya prezidenti Vladimir Putin payızda daha bir neçə xarici ölkəyə səfər etmək niyyətindədir.

Publika.az xəbər verir ki, müvafiq bəyanatla dövlət başçısının mətbuat katibi Dmitri Peskov çıxış edib.

Onun sözlərinə görə, hazırda bu səfərlərə hazırlıq gedir. Peskov səfərləri üçün konkret istiqamətlər səsləndirməyib.

"Çox yaxın gələcəkdə, yox, amma deyək ki, payızda bir neçə səfər hələ də gündəmdədir. Onları indi gözləmirəm, amma, həqiqətən də, hazırlıq gedir.", - Peskov bildirib.

Bundan əvvəl Rusiya prezidentinin köməkçisi Yuri Uşakov bildirmişdi ki, Rusiyanın G20 sammitində iştirak formatı ilə bağlı qərar səfərdən dərhal əvvəl veriləcək.

Uşakov Rusiyanın müvafiq dəvət aldığını və müsbət cavab verdiyini vurğulayıb.

G20 sammitinin 2022-ci il noyabrın 15-16-da İndoneziyada keçirilməsi planlaşdırılır.

Xatırladaq ki, Putin sonuncu dəfə ötən gün Astana üçlüyünün Tehranda keçirilən sammitində iştirak edib.