Vaşinqton Moskvanın Ukraynaya hücumu ilə bağlı Rusiyaya qarşı növbəti sanksiya raundunu tətbiq etməyi planlaşdırır.

Publika.az "USA Today"ə istyinadla xəbər verir ki, bu barədə yüksək rütbəli ABŞ rəsmisi məlumat verib.

Mənbənin sözlərinə görə, tədbirlər Rusiya iqtisadiyyatı üçün çox hiss olunacaq və ABŞ-dan ixracla məşğul olan 70 şirkətə təsir edəcək.

Həmçinin Rusiya Federasiyasının 300-dən çox fiziki və hüquqi şəxsləri, gəmiləri və təyyarələri ilə bağlı məhdudiyyətlər tətbiq olunacaq.

"ABŞ və tərəfdaşları Rusiyanın sanksiyalardan yayınmasını, beynəlxalq maliyyə sisteminə çıxışını çətinləşdirməyə çalışacaqlar. G7 ölkələri də Rusiyanın enerji mənbələrindən asılılığını daha da azaltmaq üçün addımlar atacaqlar", - qəzet yazır.