ABŞ Prezidenti Co Baydenin administrasiyası Rusiyanın Ukraynaya müdaxiləsi halında onun sənaye potensialını zəiflətmək üçün sanksiyalardan istifadə etməyi planlaşdırır.

Publika.az xarici KİV-ə istinadən xəbər verir ki, bu barədə ABŞ Milli Təhlükəsizlik Şurasının (MTŞ) üzvü Piter Harrel deyib.

O bildirib ki, əsas məqsəd zaman keçdikcə Rusiyanın sənaye potensialını və istehsal gücünü azaltmağa kömək edəcək tədbirlər görməkdir: "Ancaq yeni məhdudiyyətlər adi rus istehlakçılarını hədəf almayacaq. Maliyyə institutlarına qarşı sanksiyalar kapitalın xaricə axınına, inflyasiyaya səbəb olmalı, həmçinin Rusiya Mərkəzi Bankını digər banklara maliyyə yardımı göstərməyə məcbur etməlidir. Bununla da Putin ilk gündən itkini hiss etsin”.

Ağ Evdəki digər rəsmi mənbə isə bildirib ki, məhdudiyyətlər aviasiya, dənizçilik, robot texnikası, süni intellekt, kvant hesablamaları və müdafiə sənayesinə təsir göstərə bilər.