ABŞ konqresmenləri Ukraynanın 1991-ci il sərhədlərinə qaytarılması cəhdlərinə dair qətnamə təqdim edəcəklər.

Publika.az xəbər verir ki, bu barədə çərşənbə axşamı “Yahoo News” portalı məlumat yayıb.

Məlumata görə, sənəddə Vaşinqtonun Kiyevə hərbi yardım göstərməli, Ukraynanın qələbəsinə can atmalı və onun 1991-ci ildə beynəlxalq səviyyədə tanınmış sərhədlərini bərpa etməli olduğu qeyd edilib. Bundan başqa, qətnaməyə əsasən, ABŞ Ukraynanın Şimali Atlantika Alyansına daxil olması və Rusiya tərəfindən təzminat alması üçün tədbirlər görməlidir.

Təşəbbüsün sponsorları arasında ABŞ Nümayəndələr Palatasının üzvləri Co Vilson və Stiv Koen var.

Qətnamənin çərşənbə axşamı günü təqdim ediləcəyi gözlənilir. Ona əvvəlcə Nümayəndələr Palatasının Xarici Əlaqələr Komitəsində baxılacaq.