Ermənistan Müdafiə Nazirliyi mövqe itkisinin olmadığını desə də, əslində mövqeləri 10 gün öncə - Azərbaycan Ordusu Dığ kəndinin bir hissəsinə nəzarət edəndə itirmişdi və bunun nəticəsidir ki, dünən baş verən döyüşlərdə ağır itkilər verdik.

Axar.az Publika.az-a istinadən xəbər verir ki, bu barədə türkoloq Varujan Geqamyan deyib.

Onun sözlərinə görə, Azərbaycan Ordusunun hazırda dayandığı yüksəkliklər Dığ kəndinə və bitişik ərazilərə nəzarət imkanı verir.

“Azərbaycan Zəngəzuru addım-addım, tədricən nəzarətinə keçirir. Dünən baş verən döyüşlər göstərdi ki, Ermənistan hakimiyyəti ölkəni qoruya bilmir. Nəticədə biz yeni mövqelər itirdik, yeni itkilər verdik. Dığ kəndi və bitiş ərazilərdə artıq yaşamaq mümkün deyil, insanlar oradan köçmək haqda düşünür”, - o bildirib.

Qeyd edək ki, Ermənistan Müdafiə Nazirliyi dünənki döyüşlərdə verdikləri itkilərin sayını gizlədir, o cümlədən, mövqe itirmədiklərini bildirir. Lakin erməni mediası və ekspert cameəsi bunun əksini deyir.