Fransa polisinin törətdiyi vəhşilikləri əks etdirən video şəbəkədə yayılaraq, pensiya islahatına etiraz edən minlərlə nümayişçini bir az da hiddətləndirib. Kişi polisin var gücü ilə qadını yerə atması nəticəsində kəllə-beyin travması alan qadın ayağa qalxa bilməyib.

Martın 16-da Fransa hökuməti Milli Assambleyada səsvermədən yan keçərək pensiya yaşını 62-dən 64-ə qaldırmaq üçün pensiya islahatı həyata keçirmək qərarına gəlib. Martın 20-də parlamentin aşağı palatasının müxalifət fraksiyaları hökumətə iki etimadsızlıq səsi verib. Hər iki dəfə lazımi sayda səs toplaya bilməyiblər. Beləliklə, islahat qəbul edildi. Bundan sonra fransızların adətən iğtişaşlarla müşayiət olunan kütləvi etirazları başladı.

İkinci Qarabağ müharibəsi dövründə bu ölkə Azərbaycanın ərazi bütövlüyünə hörmətsizliyin ən yüksək həddini nümayiş etdirmişdi. Vətən Müharibəsi dövründə gərginləşən münasibətlər fransız diplomatların qanunsuz səfərləri ilə yenidən gündəmi zəbt etmişdi. Fransanın Azərbaycana münasibəti hər kəsə bəllidir.

Fransa Azərbaycana yanaşmasında ermənipərəst motivlərə söykənib, həmişə ölkəmizə münasibətdə qərəzli mövqedən çıxış edib. İkinci Qarabağ müharibəsi dövründə də bu ölkə Azərbaycanın ərazi bütövlüyünə hörmətsizliyin ən yüksək həddini nümayiş etdirmişdi. Rəsmi Paris erməni radikal millətçilərinə, onların Azərbaycan və Türkiyə əleyhinə bəyanatlarına dəstək verməklə dəfələrlə ermənipərəst mövqeyini nümayiş etdirib. Son zamanlar Fransanın aparıcı mətbuat orqanlarında ölkəmizə qarşı yönəlmiş təxribat xarakterli yazılar bir-birini əvəz edir.

Azərbaycanlı ekologiya fəallarının Xankəndi-Laçın yolunda keçirdiyi son etiraz aksiyası haqqında Fransanın bir neçə mətbuat orqanında Azərbaycanı əsassız şəkildə ittiham edirdi.

Biz bir daha əmin olduq ki, demokratiyadan,ədalətdən danışmaga haqqı olmayan Fransa heç bir ölkənin, dövlətin daxili işlərinə müdaxilə etməyə haqqı yoxdur. Öz daxili məsələlərini həll etməyi bacarmayan, təhlkəsizliyini təmin edən polisinin özünün təhlükə yaratdığını bütün dünya izlədi.

Gülşən Behbud
"Milli Dəyərlər üzrə Maarifləndirmə" İctimai Birliyinin sədri