Paris sakinləri bir ayda ikinci dəfə pensiya islahatlarına qarşı kütləvi etiraz aksiyasına çıxıblar.

Publika.az-ın məlumatına görə, nümayiş İtaliya meydanında başlayıb, oradan onun iştirakçıları Parisin tarixi mərkəzində yerləşən Əlillər Evinə gediblər.

Həmkarlar ittifaqları Parisdə 100 min, Fransa üzrə isə 1 milyondan çox insanı “Daha iki il pensiya gözləməyə razı deyilik” şüarı ilə küçələrə çıxarmağı qarşılarına məqsəd qoyublar.

Demokratik Əmək Konfederasiyasının nümayəndələrinin sözlərinə görə, nümayişlərdə yanvarın 19-dan daha çox insan iştirak edir.

Bundan əvvəl Parisdə pensiya islahatına qarşı gənclər hərəkatının etiraz aksiyası zamanı iğtişaşlar baş vermişdi.