İran Bakı qarşısında ayağını yuxarıdan qoyduqca münasibətlərin normala dönməsi ümidləri üzülür. Ermənistanı özünə qardaş, qandaş elan edən, ermənidən çox erməni olduğunu isbatlayan İran molla-fars rejimi Azərbaycana qarşı düşmənçilik siyasətində başından yuxarı atlanmaqdadır.

Vətən müharibəsi ilə regiondakı geosiyasi vəziyyəti tamamilə dəyişən Azərbaycanın yaratdığı yeni reallığı o gün-bugün heç cürə həzm edə bilməyən rəsmi Tehran onsuz da gərgin olan İran-Azərbaycan münasibətlərini 27 yanvar 2023-cü ildə Azərbaycanın Tehrandakı səfirliyinə terror hücumundan sonra daha da kritik həddə çatdırdı. Çünki bu teraktda İran şübhələri hər detalda özünü əks etdirir.

Rəsmi Bakı haqlı olaraq hadisənin baş verməsində İran hakimiyyətini günahlandırdı və Tehrandakı diplomatik missiyasını dayandırmaq qərarına gəldi. Buna baxmayaraq, Bakı Təbrizdəki Baş Konsulluğun fəaliyyətini dayandırmadı. Çünki Təbrizdəki Baş Konsulluğun bağlanması isə həm İrandakı vətəndaşlarımızı, həm də 30 milyondan artıq soydaşımızın taleyinin rejimin ixtiyarına, sərəncamına buraxmaq demək olardı.

Lakin bu terror sən demə Azərbaycana qarşı rejimin hazırladığı nə ilk, nə də son hücumdur. Bakıda hipermarketə silahlı hücumun ardından millətvəkilinin güllələnməsi olayına kimi bütün izlər Tehrana gedib çıxır. Bunu son dövrlər Azərbaycanın demək olar ki, bütün bölgələrində İranın casus şəbəkəsinə xidmətdə şübhəli bilinən şəxslərin həbsi prosesinin ardından aparılan istintaq tədbirləri də təsdiqləyir.

Ən təhlükəsi isə orasındadır ki, İran rejimi məhz Azərbaycana qarşı terror əməllərini elə öz "soydaşları" vasitəsi ilə törətməyi qarşısına məqsəd qoyub. Bu istiqamətdəki həbslər və təmizləmə prosesləri bir daha təsdiq edir ki, ölkəmiz çox ciddi təhlükə ilə üz-üzə imiş. Ələ keçən İran casuslarının açıqlamalarından da aydın görünür ki, səndemə molla-fars rejimi müstəqillik illərində Azərbaycana qarşı heç də, xoş məram və niyyətli olmayıb. Rejimin işi-gücü dayanmadan hər fürsətdə Azərbaycana, onun əleyhinə daxildə fəaliyyət göstərən xeyli şəbəkələr dormalaşdırmaq olub.

İranın bu anti-Azəbaycan siyasətinə xidmə göstərən, birbaşa Tehrandan idarə olunan bu şəbəkə bütün ölkəni əhatə edərək, Azərbaycan sərhədləri daxilində daim pozuculuq və təxribatlar törətməklə, lazımlı dönüş anında ölkədə miqyaslı terrorlar, xaos və hətta, çevriliş etməy, eləcə də qırğınlar törətməyə tam hazır olublar. Hələ təkcə son hadisələrin araşdırması zamanı bütün fakt, dəlillər bunun bariz sübutudur.

İran ideoloji habında qərar tutan və molla rejiminə nökərçilik etməyi müqəddəs missiya hesab edən bu qüvvələri yeni təlimatlarla ayağa qaldırmaq üçün məqam gözlədiyi bir vaxtda Azərbaycanın güc strukturları molla rejiminin məkrli oyunlarını pozmaq üçün son günlər çox önəmli əməliyyatlar icra edirlər.

İranın rəsmi olmasa da, qeyri-rəsmi kanallar vasitəsilə vətəndaşlarını Azərbaycanı tərk etmək çağırışı Bakı-Tehran münasibətlərinin tamamilə çöküşü deməkdir. Çünki Tehrandan edilən bu çağırış Bakıya qarşı yeni oyunların hazırlandığına bir mesajdır:

⚫️ Ehtimal edilə bilər ki, İran Azərbaycana hərbi müdaxilə etməyi planlaşdırır və hazırda bunun üçün ciddi zəmin axtarışındadır. Çox güman ki, molla rejimi düşünür ki, əgər bu baş verəcəksə, hərbi toqquşmanın miqyası böyük ola bilər. Bu səbəbdən, vətəndaşlarının Azərbaycandan çıxışı üçün müxtəlif kanallar vasitəsi ilə çağırış edib.

⚫️Bu çağırışın arxasında Azərbaycanın və xüsusən də paytaxt Bakının müxtəlif nöqtələrində İran daxilimizdəki casusları, əmr qulları vasitəsilə yeni teraktlar planlaşdırmış ola bilər.

⚫️Rejim vətəndaşlarının Azərbaycanı tərk etməsi çağırışı ilə İran və Azərbaycan xalqları arasında düşmənçilik toxumu səpib, Azərbaycanın onlar üçün "təhlükə mənbəyi" təəssüratı yaratmaqla, nəticədə baş verə biləcək hər hansı bir hərbi toqquşmada xalqdan dəstək almağı gözdən keçirə bilər.

Amma rəsmi Bakı da yerində durub, Tehranın iyrənc, məkirli oyunlarının qurbanına çevrilmək fikrində deyil. Bunu elə Fazil Mustafaya qarşı terroru planlaşdıranların, onun maliyyə tutumunu hazırlayanların, sifarişini verənlərin, icrasını həyata keçirənlərin həbs olunmasından tutmuş bugün "Kərimə" dövlət qurmaq üçün planlar hazırlayan Rufullaların ələ keçirilməsi əməliyyatlarına kimi proseslər deyir. Bu proses Bakının ciddi əks-həmləyə başladığından xəbər verir.

İran Ermənistana yardım göstərməklə, ona görə Azərbaycana cəbhə açaraq, araya düşmənçilik toxumu səpməklə Azərbaycan ilə münasibətləri düzəlməsi uzun vədədə baş tutmayacaq kimi görünən əməllərinə hər ötən gün bir yenisini əlavə edir.

Regionda sərhədlərin dəyişdirilməsini qırmızı xətt adlandıran İran Cənubi Qafqazda sərhədləri güc yolu dəyişdirməyə cəhd edən Ermənistan və Rusiyanın regional, qlobal müttəfiqidir.

Bu səbəbdən də yaxşı olar ki, İran bu gün Azərbaycandan əsassız "sionist" iddialarından və Azərbaycanın daxili işlərini burun soxmaq fikrindən daşınsın. Azərbaycanla bağlı İranın gözləntiləri əsaslı olmalı və rejim reallığı mütləq nəzərə almalıdır.

İran anlamalıdır ki, Azərbaycan coğrafi, eyni zamanda mentalca Qafqazın və qitənin bir parçasıdır. Bu məsələ hər ötən gün öz aktuallığını daha da artırır və prioritet təşkil etməkdədir. Bu səbəbdən də İran molla-fars rejiminin Bakıya qarşı təxribatları, terakt cəhdləri, ölkədə xaos vəziyyət yaratmaq istəkləri arzu olaraq qalacaq. Çünki Azərbaycan xalq və dövləti İran rejiminin dabbağda gönünə bələddir. İran əli ətəyindən uzun olmaq istəmirsə, dilini gödək etməlidir.