“Kollektiv Təhlükəsizlik Müqaviləsi Təşkilatı (KTMT) Ermənistanın təhlükəsizliyinin təmin edilməsi maraqları naminə Ermənistan-Azərbaycan sərhədinə missiya göndərməyə daim hazırdır”.

Publika.az xəbər verir ki, bunu KTMT Katibliyinin nümayəndəsi Yuri Şuvalov deyib.

“Qafqaz kollektiv təhlükəsizlik regionuna gəlincə, təşkilat Ermənistanın təhlükəsizliyinin təmin edilməsi və digər yardımların göstərilməsi maraqları naminə Ermənistan-Azərbaycan sərhədinə KTMT missiyasını göndərməyə daim hazırdır”, - o, təşkilatın qərargahında rəhbərliyin genişləndirilmiş toplantısında jurnalistlərə açıqlamasında deyib.

Şuvalovun sözlərinə görə, yardım tədbirləri artıq iş prosesində olan KTMT-nin Kollektiv Təhlükəsizlik Şurasının qərar layihəsinə daxil edilib.