Türkiyədə zəlzələlərin zərərinin 100 milyard dolları keçəcəyi gözlənilir.
Publika.az xəbər verir ki, fevralın əvvəlində Türkiyə və Suriyada baş verən zəlzələlərin iqtisadi zərəri təkcə Türkiyə Respublikasında 100 milyard dolları keçəcək. Bunu Cenevrədə Birləşmiş Millətlər Təşkilatının İnkişaf Proqramının (BMTİP) Türkiyədəki daimi nümayəndəsi Luiza Vinton deyib.
Vinton bildirib ki, bu proqnoz yalnız Türkiyəyə aiddir. BMT nümayəndəsinin sözlərinə görə, zəlzələ nəticəsində 600 mindən çox mənzil və ofislərinin yerləşdiyi 200 mindən çox bina dağılıb.