Moldova hakimiyyəti ölkənin Şimali Atlantika Alyansına daxil olması məsələsini müzakirə etmir.

Publika.az xəbər verir ki, bunu Moldova parlamentinin spikeri İqor Qrosu “Prime” telekanalının efirində bildirib.

“Açığını deyim ki, biz bunu istəyirikmi, Moldovanın NATO-ya daxil olması problemi qaldırılırmı, onda deyim ki, bu problem yoxdur. Bu, bütün fərziyyələri və bütün isteriyaları təkzib etmək üçündür”, - spiker qeyd edib.

Onun sözlərinə görə, Dnestryanıda hərbçilər “milli ordudan daha yaxşı təchiz olunub”.

Bundan əvvəl Moldova prezidenti Maia Sandu NATO ölkələrini sosial şəbəkələrdə “Rusiya təbliğatı” və dezinformasiyaya qarşı birgə mübarizə aparmağa çağırıb.