“Yumurta qıtlığının yaranmasının səbəbi məktəblərin açılmasıdır”.

Bunu AzNews.az-a kənd təsərrüfatı üzrə ekspert Mürvət Həsənli ölkədə yumurta qıtlığının olması barədə deyilənlərə münasibət bildirərkən deyib.

O qeyd edib ki, Bakı şəhərində 300-ə yaxın məktəb, o cümlədən də bir o qədər də uşaq bağçası var.

“Sentyabr ayında bu müəsisələr açılanda hər birinə yumurta alışı başlanır və beləcə ölkədə yumurtaya təlabat daha da artır. Hazırda ölkədə yumurta qıtlığı olmasının digər səbəbi isə bu il İranda quşların xəstəlik tapması və Azərbaycanın İrana yumurta ixracının artırması oldu. Deyirlər ki, yumurta qıtlığının fəsil dəyişikliyinə görədir, bu, tamamilə səhvdir. Qıtlığın əsas səbəbi insanların tətildən qayıtması və Bakıda əhlinin yaya baxanda artmasıdır. Yumurtaların qiyməti ilə bağlı bunu deyə bilərəm ki, topdan satış yerlərində yumurtanın qiyməti 11-12-13 qəpikdən başlayır. Yumurtalar mağazalara gələnə qədər isə qiymətlərdə kəskin artma müşahidə olunur. Bunların hamısı da süni qiymət artımıdır. Yumurta istehsalçıları ilə əlaqə saxlamışam,
məndə olan məlumata görə bu qıtlıq bir həftə və ya on gün içərisində tam bitəcək”, - deyə o bildirib.