ABŞ Almaniya üçün helikopterlərin qiymətini iki dəfə artırıb.

Publika.az “Lenta.ru”ya istinadən xəbər verir ki, ABŞ Almaniya üçün CH-47F Chinook Block 2 helikopterlərinin qiymətini iki dəfə artırıb.

Bildirilir ki, Vaşinqton sözügedən helikopterlər üçün Almaniyadan altı milyard əvəzinə 12 milyard avro ödəməyi tələb edir.

Amerika tərəfi bunu inflyasiya ilə əlaqələndirib.

Məlumata görə, ilk helikopterlərin Almaniyaya 2026-cı ildə gətirilməsi nəzərdə tutulur.

Qeyd olunur ki, qiymət artımı Almaniyanın yeni müdafiə naziri Boris Pistoriusu çətin vəziyyətə sala bilər. Hətta silahlanma, informasiya texnologiyaları və planlaşdırma üzrə dövlət katibi Benedikt Zimmerin vəzifəsini itirə biləcəyi də ehtimal olunur.