Ukraynanın xarici işlər naziri Dmitri Kuleba taxıl müqaviləsi çərçivəsində Rusiyaya təzyiq göstərməyə və Moskvanın dünya ilə aclıq oyunları oynamasının qarşısını almağa çağırıb.

Publika.az xəbər verir ki, Dmitri Kuleba bunu Kambocada keçirilən Cənub-Şərqi Asiya Ölkələri Assosiasiyasının (ASEAN) sammitində deyib.

"Mən ASEAN üzvlərinin hamısını Rusiyanın bütün dünya ilə aclıq oyunları oynamasının qarşısını almaq üçün mümkün olan bütün üsullardan istifadə etməyə çağırıram", - deyə "Reuters" onun sammitdə dediyi sözlərdən sitat gətirib.

Kuleba əlavə edib ki, taxıl müqaviləsi çərçivəsində Rusiya müfəttişlərinin vicdanla hərəkət etdiyinə və süni gecikmələr olmadan gəmi yoxlamaları apardığına əmin olmaq vacibdir.