Dünya bazarında dolların məzənnəsində azalma müşahidə edilə bilər. Belə ki, 2024-cü ilə qədər dolların avro qarşısında 40 faizədək dəyərini itirməsi gözlənilir.

Cebhe.info xəbər verir ki, bunu "A.G. Bisset Associates LLC"nin icraçı direktoru Ulf Lindahl deyib. Onun sözlərinə görə, tarixən bu proses baş verib və bundan çıxış edərək dolların ucuzlaşmasını gözləmək olar.

Məsələn, 1970-ci ildən bəri dollar 15 il bahalaşıb. 1985-ci ildən etibarən isə daha 15 il dollarda ucuzlaşma özünü göstərib. Mütəxəssis hesab edir ki, bu proses indi də təkrarlana bilər.

Xatırladaq ki, bəzi ekspertlər bu proqnozun özünü doğruldacağına inanmasalar da, bu, mütəxəssisin dolların ucuzlaşmasıyla bağlı ilk təxmini deyil. Bundan əvvəl də o, dollar bazarında ucuzlaşma gözləntisi barədə xəbərdarlıq etmiş və proqnozu müəyyən dönəmlərdə özünü doğrultmuşdu.