Xəbərlər



Makron Paşinyana Azərbaycan və Türkiyə ilə bağlı nələr deyib?
Makron Paşinyana Azərbaycan və Türkiyə ilə bağlı nələr deyib?


Xəbər verdiyimiz kimi, Fransa prezidenti Emmanuel Makron Parisdə Ermənistanın baş naziri Nikol Paşinyanla görüşüb.

Manset.az-ın xarici mediaya istinadən məlumatına görə, görüşdə Makron Paşinyanı davamlı sülh üçün Ermənistan və Azərbaycan arasında danışıqları gecikdirmədən başlamağa çağırıb.

Son günlər Paşinyanla çoxlu telefon danışığı apardığını deyən Makron, “masada qalan çoxlu məsələlər var, biz onları tanıyırıq, bunlar ancaq danışıqlar yolu ilə həll olunmalıdır” deyib.

Azərbaycan prezidenti İlham Əliyevlə telefon danışığı aparacağını qeyd edən Makron davamlı sülhün təmin olunması üçün Azərbaycan və Ermənistan arasında sərhəd məsələsini Avropa İttifaqı və digər aidiyyəti dövlətlərlə müzakirə edə biləcəyini bildirib.

Ermənistan və Türkiyə arasında normallaşma məsələsini müzakirə etdiklərinə işarə edən Makron, Türkiyə ilə Ermənistan arasında münasibətlərin normallaşmasının bölgədə sülhün bərqərar olması üçün vacib olduğunu da vurğulayıb.
Baxış sayı: 84